Дьаархан нэһилиэгин олохтоох бибилэтиэкэтэ сылын ахсын ыытыллар «Библиосумерки-2025» аахсыйаҕа кыттыһан тэрээһин ыытта. Быйылгы аахсыйа 2025 сыл Арассыыйаҕа Аҕа дойдуну, Саха сиригэр Ийэ дойдуну көмүскээччилэр уонна Улуу Кыайыы 80 сылыгар ананна. Тэрээһин оскуолаҕа киэһэ 6 чаастан түүн 12 чааска дылы ыытылынна. Бу күн оҕолорго анаан араас тэрээһиннэр буоллулар. Оҕолор 3 хамаандаҕа арахсан күрэхтэстилэр. Ол курдук “Хроники войны”, “День Победы” быыстапка турда, станцияларынан КВИЗ-оонньуу, кинигэ угуйуга, Кыайыы күнүгэр аналлаах стендэ көмүскээһинэ, Станислав Данилович театральнай гримҥа маастар кылаас, Маргарита Михайловна аквагримҥа маастар-кылаас, хамаандаларынан “Минньигэс пэлимиэн”, “Муҥ маһы кэрийбэт” киинэ буолла. Ону таһынан Дьаархан орто оскуолатын минньигэс астаах повара Евдокия Николаевна оҕолорго полевой куукуна астаабытын оҕолорго амсаттыбыт.
Сылын аайы ыытыллар аахсыйаҕа оҕолор күргүөмүнэн кэлэн кыттыыны ылаллара киһини үөрдэр. Тэрээһиҥҥэ кыттыыны ылбыт бар дьоммутугар чуолаан култуура үлэһиттэригэр, Анна Ивановнаҕа, Евдокия Николаевнаҕа, Маргарита Михайловнаҕа, Юлия Владимировнаҕа, оскуола директорыгар Николай Николаевичка Махтал тылларын аныыбыт.
